مررررحبن :”D
غبت فترة عن الثرثرة هنا ، تغيرت فيني أشياء كثيير ، واستجدت بعض الأمور ، أهم حدث ممكن أحكي عنه واللي فعلاً كنت أنتظره من زماااان يصير
تطليق النظارة :”D
آآآخ أخيراً بعد 10 سنوات من الاعتماد الكلي عليها جا الوقت اللي تستقل عيوني وتعتمد على نفسها x-p
الليزك من الأولويات اللي كنت ناوية أسويها بعد التخرج ، بس سبحان الله ربي ماكتبها لي الا بعد سنه ونص :$
حقيقة اللي خلاني أأجلها انو نظري كان يتدحدر يوم بعد يوم وخصوصاً آخر سنه بالجامعه نقصت تقريباً 1ونص !! مع انه بعمري يفترض يكون النظر ثبت خلاص ، لكن مقابلة خشة الحاسب 24\24 كان لها أثر كبير بالتدحدر 
فأول ماتأكد ثبوت نظري 2.25\6 لكل عين < عميا وتفتخر -_-”
عزمت رسمياً عليها :”)
فرحتي بالعملية مو لأنها ريحتني من النظارة بس ، لأ .. لأني عانيت كثير عشان أسويها بداية من عدم تحمس أهلي (وجهة نظرهم : دام العدسات والنظارات ممشيه وضعك تمام ، ليش المخاطرة ؟ وهذا من حرصهم علي جعلهم الجنه ) ، ونهاية باختيار المستشفى المناسب وتحديد الموعد ، بحثت كثير عن العملية ، اضرارها الجانبيه ، التهيئ لها ، تكلفتها ، أفضل المستشفيات وأمهر الأطباء ..
ابتعدت أشهر عن العدسات ، حرمت عيوني من الكحل فترات طويييلة ، شهّبت على قولتهم :p
وطلعت للناس بنظارتي المنعفطه وكأن شيئاً لم يكن بس كله في سبيل الافتكاك
أخذت مواعيد كثير وتأجلت لأسباب متعدده ، وهالشي بدل مايخليني أفقد الأمل ، كان يزيدني إصرار عليها
أخيراً أخذت موعد بمستشفى الحبيب ، رحت عملت الفحوصات ، أخذو علي 500 ريال +50 ريال للقطرة التي لم أرها حتى الآن -_-
كـ مريضه ليس لها خبره بفحص الليزك ، حسيت ان اجهزتهم واو ، وتعاملهم ودقتهم بكثرة الفحوصات مُطمئِن
أخذت موعد للعملية ، وغضيت البصر عن تكلفتها ، وقلنا ميخالف كلو في سبيل الجمال والحرية والافتكاك الآنف الذكر
قبل العملية بيوم ، اسفهلت عيني اليسرى وحمرت بشكل عجيب ، كأنها انقسمت بشكل افقي نص أحمر ونص أبيض O.o
على خبرتي باحمرارات العين وتدهورها بعد العدسات والغبار ، بس زي هالنوع من الاحمرار مامر علي @_@
ضاااق صدري بالحيل ، وقلنا خيييرة ♥ ، حاولت أتصل على المستشفى أأجل العملية كم يوم بس عطوني عدد مشرّف من الركب ، والى يومكم ماردو علي -_-
بوقت احمرار عيني ، كنت أتصفح الجريده وشفت اعلان لعملية الليزك في مركز الأعمال بمستشفى الملك عبدالعزيز الجامعي ، صوّرته (كذا بس)! و باليوم اللي عطوني فيه الحبيب ركب ، عصبت وقررت من باب اللقافه أتصل على مركز الأعمال أستكشف ، ومن أول رنه تولع قلبي فيهم :$ :p ، عجبتني معاملتهم و حفاوتهم وسعر العمليه عندهم أغراني كونه النصف مقارنة بالحبيب ! والأهم من هذا ذكرولي أسماء أطباء مرة ممتازين وسمعتهم واصلتني من زمان
توكلت على الله وأخذت موعد للفحوصات ، نفس سعر فحوصات الحبيب ، بس تفاجأت انها أكثر وأدق وأكثر إخلاص !! والقطرات اللي دفعتها بالحبيب ولاشفتها ، حطولي ياها مركز الأعمالواكتشفت انها مهمه جداً (قطرة توسيع حدقه العين) بحيث أول حاجه يعملون الفحوصات بالحدقه الطبيعيه ، ثم يوسعون الحدقه ويعملون نفس الفحوصات مرة ثانيه !! ويقارنون النتائج
( اللي مايعرف الحدقه ، هي الدائرة السوداء اللي بوسط العين اضغط لمشاهدة الصورة الطبيعي انها تكون صغيرة بحيث لون العين سواء بني او عسلي يكون حولينها ، القطرة اللي حطوها لي توسع الحدقه بحيث ان العين تكون سودااااا كلهاااا الا خط رفيع جداً بني ، مما ينتج عنه شكل مرعب < أبد مابغت تدوخ لما شافت عينها بهالمنظر )
حمدت ربي كثييييير فعلاً كنسلت العملية بالحبيب كانت خيرة لي♥ ♥
وسبحان الله ، بيوم الفحوصات في مركز الأأعمال ، ربي أرسل لي وحده كانت قاعده بالانتظار ، وبدون حتى ماأسألها ! طمنتني على العمليه كانت مسويتها قبلي، شرحت لي كل اللي صار وشجعتني أكثر ، ماأعرف منهي ، بس فعلاً دعيت لها كثير ربي يجزاها الجنه ♥
بعد الفحوصات بيومين كان موعد العمليه 
عملها لي الدكتور هاني المزيني ، انسان جداً مريح بالتعامل والأهم كان حاطني بالصورة وشرحلي كل شي بوضوح وطمأنينه شرحلي الفرق بين عملية الليزك واللازك ،
ليزك يتم قطع القرنيه بمشرط رقيييق جداً ويسلطون الأشعه لداخل القرنيه ثم يرجعونها مكانها ، فأضرارها الجانبيه المحتمله هي جرح القرنيه وحدوث نزيف بسيط داخل العين ، بس ميزتها ان النظر يتحسن بشكل سريع
اللازك (اللي عملتها) مايقطعون القرنيه ، بس مجرد تسليط الأشعه للقرنيه وويحطون عدسه خاصه (مثل العدسات العاديه) وتجلس بالعين 5 ايام حتى يلتئم الجرح الناتج من تسليط الأشعه ، ميزتها بدون جرح ، وعيبها النظر يرجع بشكل أبطأ من الليزك يعني تقريبا يحتاج شهر
لحد يوم العمليه* وانا مو مستشعره شي ، لاحماس ولاخوف ولا أدنى مشاعر !
حتى لما طلبت مني الممرضه ألبس لبس العمليات وغطاء الشعر والجزمة الخاصه - وانتم بكرامه- كنت فاقه الكشره وأقول لأمي صوريني بالكشخه هذي
بس دخلوني غرفة العمليات واتخذت الوضعيه المناسبه صكتني أم الركب وشوي وأصيح ، لا الصراحه شكلي صحت لأن الطبيب قام من مكانه وجا قدامي قالي منيرة ، العمليه بسيطة جداً مافيها أي ألم وكل شي بسويه بشرحه لك -_____-”
وفعلاً مثل ماقال ، العمليه مافيها ولا ذرة ألم ، كلها ضوء أخضر قدامي طلب مني أركز فيه قد ماأقدر ، ومجموعة قطرات حطها لي وشوية حركات لطيفه بالعين مع كم اشعاع وقضينا 
الحمدلله الحمدلله العملية كانت أسهل مما توقعت ♥
دخلت للعملية منيرة وطلعت أم كلثوم أنا ونظارة الماتركس على قولة فرسون اخوي :p
تعبت أول يومين بعد العمليه ، كنت أحس بحرارة بعيوني علاجها الكمادات الباااردة ، و عيوني كانت “تكب” دموع بشكل فضيع !! وبصعوبه أفتحها كأن جواتها شي ، بس الحمدلله ♥ مع قطرات المضاد تحسنت ، والحمدلله يوم بعد يوم كان النظر عندي يتحسن وحساسيتي للضوء تخف بالتدريج ، بعد 5 ايام تقريباً أزال العدسات بعد ماتأكد ان الجرح التأم 100% الحمدلله ، وقالي النظارة السودا (الماتركس ) ماتحتاجينها نهائي و مارسي حياتك بشكل طبيعي ، أول ما طن براسي الكحل هييييه : p
الحمدلله الحمدلله على نعمة البصر ♥، فعلاً لاحظت الفرق وعرفت ان الناس بنعمممممه لما استجد علي حاجتين
المنظر الصافي أول ماأصحى من النوم +التروّش بوضوح تااام ♥
الحين بإذن الله ماعندي نقظة ضعف يتسلط عليها الأعداء وهي النظارة B)
بس اللي بفقده ، الحجج المقنعه اذا ماكان لي خلق أروح لعزيمة والا شي علطول أحطها
بعيوني : خلصت عدساتي :$
بس بالنهاية الله يديمها علي من نعمة ، ويرزق كل من يتمنى♥
وفعلاً أنصح كل متردد و هايب العملية ، استخيرو ثم استشيرو ثم اعزمو ، مابتندمون أبد :”)
* April 26, 2011
، خاصة انو الكل بيكون لاهي بـ ارتباطاته .
