جيتي ياعطله بعد ماكنا نعدلك الأيام ،،
نجحنا وانبسطنا ، نمنا طلعنا،، عملنا اللي بخاطرنا ،،
بدينا نتعمق فيك ، وبنفس الوقت بدت معالم الروتين تتضح !
رغم اني عاملة جدول بالأشياء اللي أعملها .. وبدأت فيها حقيقة ً ، حملت البرامج الخاصه حست وبربست لكن ولو .. الروتين لابد يظهر
خصوصا لو كانت ظروفك الحالية تحتم عليك نمط معين ملزوم تمشي عليه ،،
في ضوء هالوضع الراهن ، بدت معالم الـ “طفش” تظهر .. لذلك قررت ألهي نفسي بأشياء أحبها قبل مايتطور الأمر (ولو انه اليوم تأزمت معي ! بس عدت على خير )
جلست ألهي نفسي بأفلام الأنيميشن وإلي ألقى فيها متعة كبيرة تتعدى متعة الأفلام و المسلسلات حتى ،
لحد الآن شفت 2 ,
بحكيكم عنها ..
**
الأول
شفته أمس على mbc3 بالصدفة ، ماتركته الا لما انتهى ..
من كثر ماهو رهيب كان مترجم كتابي ..عجزت أركز بين المشاهده والقراءة ، فاضطريت أطنش الترجمه 
مع اني مالحقت على بدابته بس انشديت له ، قصته رائعه ،
فيه حس فكاهه <~ كركرنا انا وأخوي لين تقطعنا
الفلم يحكي قصة ولد فقير اسمه Rodney حلمه يكون مخترع ، فيروح للمدينة حتى يصقل موهبته ويتطلع انه يلتقي بمخترع مشهور اسمه Bigweld .. أثناء رحلته يتعرف على مجموعة من الأصدقاء أحدهم مهبول بشكل + كل مافيه “يرقل” 
Rodney لما وصل المدينه يكتشف ان في ناس مصيطرة على شركة Bigweld وجالسه تلعب بالشعب بحيث انهم يسحقون الآلات القديمه - بما فيهم رودني واصدقائه- حتى يجددو مظهر الآلات .. رودني يزيد اصراره على انه يلاقي بقويلد بعد مايمرض أبوه -اللي يدعمه ويشجعه – وبكون محتاج لقطعة غيار مايعرفها الا بيقويلد ..
<< كأني قلت القصه كلها 
!
عاد تدور أحداث الفلم على كذا .. فيه مطارد و مطاقق .. نطنطت ، تحمست ، ضحكت ضحكت ضحكت ، بجد يوسع الصدر
لو يحصل لي ثانيه وثالثه مارح أقول لأ , أنصحكم فيه مرة
هنا trailer للفيلم
واللي يبي يستزيد .. هنا ريفيو عنه ..
**
الثاني
لبى قلب بوحميد أخوي نشب فيني لين شفته
الفلم حليو .. يمكن مودي لما كنت أشوفه ماكان كويس فـ استثقلت دمه شوي(^^.)
بدايته تحمس لدرجة اني ماستوعبت انه مو مترجم الا بعد 20 دقيقه من المشاهده LoOL
بطل الفلم الكلب Bolt .. صديقتة بنوته .. الكلب من طلعة قلبه وهو يمثل معها بمسلسل على اساس انه السوبر الخارق وصدق عمره :p
يصير له موقف يضيع عنها ويروح لديرة ثانيه يكتشف منها العالم ، ويستوعب انه كلب عادي .. يتعرف على اصدقاء قطوة وهمستر - عليه اسنان توحفه - ،
تصير له مغامرات أثناء محاولاته انه يرجع لصديقته ..
يعني ينفع لبزران 
هنا trailer للفيلم .
**
أتوقع بعد كذا بشوف ice age
بس محتارة بعده ايش اشوف
تنصحون بشي ؟
