أولى رسماتي بواسطة التابلت 
قصة التابلت :
من فترة طويلاااه أبيه .. حاطته ضمن الـ wish list حقتي ومسويه زمبليطا عليه كل من راح لمحل الكترونيات استفسر لي عنه p=
بالأخير قرر فرسون أخوي يشتريه .. منه هدية تخرجي ومنه يستفيد هو بعد لأنه يحب الرسم p=
وبما أن الموضوع يتطلب منه روحه لجرير وسؤال وشراء وشيل كيس وكذا قرر يعطيني المبلغ وأشتريه لنفسي بالنيابه أوفر له بالجهد وكذا p= ♥
لما تحمست وكذا ، طحت علي بائع هندي ماعنده سالفة وقال ماعندنا خلص .. وأنا اللي أتحطم مرة ):
بعده بفترة -طويله- ( فيس يخز فيس ثاني p= ) أهدتني سمو صديقتي الأقرب شي .. تابلت بمناسبة التخرج (“: ♥
مرة فرحت فييييه .. ورجع لي حماس أووول D:
\
قصة الرسمه :
هذي الرسمه أسمها “القلب العجيب” .. من فترة طويلة – تقريباً 6 سنوات كذا- أيام الثانوي .. طلعت معي هذي الرسمه صدفة(ن) من بين شخاميط المذاكرة وأعجبتني :$
مدري وش معناتها .. وش تعني الحواجب ؟ ليه جدار القلب متين ؟ وش اللولب اللي فوق ؟ وش هذي النقط الثلاث ؟ ليه الخطين !! منجد ماأدري -_-
المشكله انها نشبت فيني !! صرت كلما أسرح وأجلس أشخمط تطلع لا ارادي !! لدرجة وصلت معي لما أروح للمكتبه أجرب أقلام الحبر تطلع معي هالرسمه !!
تقريباً قبل سنتين بطلتها .. بس الحين أول مامسكت التابلت وجلست أفكر برسمه طلع هذا القلب !!! وتجدد الحب القديم p=
\
الحين بس جالسه أشخمط .. أبي رسمة تجي في بالي .. ماطلع معي شي .. ماغير أسمكر برسمة عروستي أم كعكه على جنب p=
صح اني أتقن الشي لاسويته الحمدلله بس مشكلتي ماتطلع معي الأفكار بسهوله :\
ساعدوني (فيس يرومش) ♥ ..
مارس 17, 2010 عند 8:28 ص |
ماشاء اله الرسمه مرره نااايس ^^
ومبروووك عليك التابلت ،،و نشوف ابداعاتك أكثر و أكثر =]
مارس 18, 2010 عند 12:48 م |
والله دخل مزاجي التابلت بقوة،
للماك تابلت خاص وإلا ممكن نآخذ له واحد من أي شركة ؟
وإيش الشركات اللي تنصحين فيها
مارس 18, 2010 عند 7:04 م |
أهلاً سارة
أنا حقي نوعة slim tablet وفيه أنواع ثانيه مثل wacom و trust
شوفي جرير متوفر عندهم شركات كثيرة
بس الصراحة ماعندي خلفية عن الأفصليه وكذا :$
حقي يمشي مع ويندوز وماك كلهم ،، يعني جاي معاه 2 CDs واحد للوندوز وواحد للماكنتوش
ونفس الشي للدليل : )
علمينا لاشريتي
أبريل 10, 2010 عند 10:45 م |
اوله ^0^
مبروك خيتي و انتظر جديدك
ملاحظة :
ما ادري اذا رسمك بالفوتوشوب او لا
المهم بلوحتك هذي افضل طريقة انك تتركين الخلفية بلير و الخطوط السودا ( التحبير ) بلير و التلوين بلير .. ان شاء الله برسماتك الجاية راح تلونين بدرجات لونيه كثيرة .. انصحك تكثرين من الليرات للتلون وتتركين كل خطوة بلير عشان يسهل عليك تعديلها
مثلن رسمة ليد رجال نترك لون البشرة بلير و شعر اليد بلير والاظافر و جروح اليد بلير و التظليل بلير ..
وانصحك الفتره هذي تشوفين tutorials of digital painting و مقاطع يوتيوب لـ speed painting
راح تتحطمين مثلي بس راح تعرفين خطوات رسمهم وصدقيني نظام افتح الفوتو واشخمط واتعلم راح يحوسك >< … خوذي الفن من اهله هالرسامين خبرتهم سنين يعني هالدروس الي يسوونها خلاصه لتجربتهم ..
ايه اذا ما تعودتي على القلم ارسمي رسماتك على ورق وصوريها او سويلها سكان وافتحيها بالفوتو و ارسمي عليها … فيه كثير يرتاحون برسم السكتشات بالرصاص و بعدين يكملون رسمهم بالفوتو .. بالتوفيق (f)
أبريل 11, 2010 عند 1:12 ص |
شكراً أخ ماجد ،
يب بالفوتوشوب واستخدم الليرز كثييير ، كل شخطه بـ لير جديد
والتلوين العفوي متعمد
هو اللي حاسني اني رسمت الخطوط السودا على خلفية بيضاء فلما جيت أحط اللير الزرقاء اضطريت أمسح الأبيض فتلخبطت شوي -_-
عجبتني فكرة الرسم ع الورق
لأني لحد الآن مابعد ثبتت يدي على التابلت : \ خصوصاً بالخطوط الطويله
ممنونة جداً لنصائحك ، وأكيد باخذها بعين الاعتبار : )
شكراً لك ~
أبريل 11, 2010 عند 4:04 م
الخطوط الطويلة كنت اعاني منها بالتابلت القديم @@
اها دايمن خلي الليرز بهالترتيب من تحت الخلفية بعدين تلوين الجسم بعدين تحبير الجسم خليها اعلى لير عشان توضح الخطوط السودا
ايه بتدرج الالوان افضل تستخدمين الشفافية يعني تختارين لون غامق و تلونين الجسم كامل وبعدين تختارين لون فاتح مع شفافية 10% و تلونين التدرج .. طريقة تطول بس نتيجتها حلوة
بالتوفيق …
أبريل 26, 2010 عند 6:08 م |
ما شاء الله ، موفقة ^_^
ومدونة جميلة ، لا أذكر أنني عقبت على موضوع فيها رغم أنها في مفضلتي منذ فترة طويلة :$
/
من ناحية الرسم .. تأملي اللي حولك ، وبيطلع معك ان شاء الله ^_* ( كتاب .. دفتر .. قلم .. أبجورة .. سرير .. سمكة .. ههههههههه )
+
بانتظار جديد إبداعك ..