أحلى التفاصيل دايم على البال ~

خلال اليومين الماضيين ، سافرت بشكل خطافي لحضور زواج قريبتي ♥ ، ماكنت متحمسة أبــداً  :\
لعدة أسباب ، أكثرها تأثير على نفسي هو إني شايلة هم “الوحده” الللي بعيشها لمّا نسكن ببيت خالي اللي توهم مودعين بنتهم – إختي وصديقتي ♥ – وصارت من سكّان الرياض .

شايلة هم إني بجلس بالغرفة حقتنا لوحدي ، بآكل لوحدي ، بأتجهز لوحدي ، بعيش وقت الزواج كله لوحدي .. بعد ماكنا نتشارك هذي الأشياء ، خاصة انو الكل بيكون لاهي بـ ارتباطاته .

قبل نروح كنت ألمّح لأمي بعدم حماسي و إني شايلة هم الوحده وَ وَ وَ .. بس ماقدرت أصرّح لها إني( ماأبغى أروح ) ويضيق صدرها لأنها على عكس مني كانت مرة متحمسة للروحه ، وقلت “عشانها” بأروح وبأضحك وبأنسجم غصب .. عشان ترضى علي ♥

والحمدلله الحمدلله صارت أشياء ماتوقعتها D=  وانبسطت ♥
وطلعت بالآتي :

1- لما أرضي والديني حتى لو بشي ماأبيه  بيرضى ربي علي و بينشرح صدري وبأحس بالسعاده من أبسط الأمور ، وصدق صدق أعنيها (أبسط الامور) .
2- التشاؤم شي مرة يعوعي ! لازم أنظر دائماً للأحداث بعين ملونه ولا أحكم عليها من راسي -__- .

3- أحيانا وجود ناس قريبة لنا تخلينا ماننتبه لوجود ناس طيبين و حبوبين حولينا ، وأكيد ربي ما ياخذ إلا ويعوضنا ♥.

4- كلما قل تواصل الإنسان اجتماعيا ،  قلت لياقتة الاجتماعية و نسي كيف يوجّب و يسولف وحتى كيف يقول شكراً  !! (فيس حاقد على البطالة )

5- نفسية الانسان تنعكس على مظهره ! مالك خلق تتضبط ينتج عنه شكل عادي جداً وماله أم الداعي قدام الناس اللي متوقعين منك الأفضل والـ أأنق-__-

6- كل الأمور تنحل بتقسيمها لأجزاء صغيرة ثم دمجها ، إلا تلفيف الشعر -__- خطر جداً يتم التعامل معه هكذا لأنه راح يُنتج شكل مرعب و شمس في عز الليل  :S

7- ما أأجل الأعمال المصيرية لآخر لحظه ، وأحط  خطة بديلة دائماً

8- بعض أنواع الشعر على (بياختها) في أوقات الا أنها تفك أزمه في أوقات أخرى ، والحمدلله على نعمك يارب ♥.

9- الحلقوم شي لذيذ ♥_♥  خاصة لما يكون بنكهة الليمون والورد .

10- إذا جلس الانسان بمكان ضيق جداً جداً ، بإمكانه انه يشغل (نصف حيّز) بوضعية الـ (رجل على رجل)

11-  لايُنصح أبداً بنقل الـ (بطيخ ) براً ، لما ينتج عنه من رائحه غير مستحبه ! والحمدلله على نعمة النفاه .

12 – آخرها ، واللي صدق توني أكتشفه ، إن التعب الشديد والحاجه الأشد للنوم ، من الأسباب الرئيسية لإنشاء التدوينات ، على الأقل بالنسبة لي -_-

تصبحون على خير وطمأنينة ورضا .. والله هله بوالديكم =)♥